Wednesday, September 09, 2009

රාජගිරියේ වාහන තදබදය

මේදවස් වල උදේ වරුවෙයි හවස් වරුවෙයි හරිම වාහන තදබදයක් තියනවා රාජගිරිය හරියෙ. ඒක පටන් ගන්නෙ බත්තරමුල්ල හරියෙන්. ඉවර වෙන තැනක් නම් හරියටම කියන්න බෑ. ඉස්කෝල පටන්ගත්තට පස්සෙ තමා මේ විදිහට තදබදය වැඩි වුනේ. මේ තදබදයට මොකක්හරි ඉක්මන් පියවරක් ගන්න වෙනවා.

කොළඹට ඇතුල්වෙන වාහන ප්‍රමාණය දවසින් දවස වැඩි වෙනවා. ප්‍රධාන මාර්ග කීපයකින් ම වාහන කොළඹට එනවා. පෑලියගොඩ පැත්තෙන්, ගාළුපාර දිගේ සහ බත්තරමුල්ල පැත්තෙන් නව නුවර පාරෙන්. ඉතින් මට හිතුනා මේ මාතෘකාව ගැන පොඩ්ඩක් විපරම් කරන්න. මොකද මමත් වැඩට එන්නෙ රාජගිරිය හරහා හන්දා.

රාජගිරියේ ට්‍රැෆික් එක තියෙන්නෙ අද ඊයෙ ඉදල නෙමෙයි. රාජගිරියෙ මේ සිද්ධිය වෙන්න හේතු ගනණාවක් තියනවා. එකක් තමයි පාර්ලිමේන්තුව. මේකෙ ඉන්න අය යන එන වෙලාවට පාර ඔක්කොම වහනවා. අනිත් මිනිස්සු පැය ගානක් පාර වහගෙන බලන් ඉන්නඕනෙ ඒ උත්තමයො උත්තමාවියො යනකන්. ඒ දෙයින් සිද්ධවෙන්නෙ උදේ වරුවට කාර්යාලෙට නැවුම්ව ගිහින් වැඩක් කරන්න තියන කාලයත් හවසට මැරිල මැරිල ගෙදර ගිහින් පොඩ්ඩක් විවේක ගන්න තිබ්බ කාලය එහෙම පිටින්ම නැති වීම.

මාර්ග තදබදයට තවත් හේතුවක් වෙන්නෙ මාර්ග කීපයකින් එන වාහන රැසක් එක පාරකට අවතීර්න වීම. බත්තරමුල්ල, වැලිකඩ, බුත්ගමුව ආදී ප්‍රදේශවලින් එන වාහන ඔක්කොම රාජගිරියෙදි මුණගැහෙනවා. පාරවල් ගොඩකින් එන වාහන තවත් ඒවගේම පාරකට වැටුනහම තත්ත්වෙ ඕන එක්කෙනෙකුට තේරෙනවා.

ට්‍රැෆික් එකට සෑහෙන්න විසදුම් පහුගිය කාලෙ පුරාවටම සොයා බැලුනා. ඒත් 100%ක් සාර්ථක විසදුමක් තාම ක්‍රියාත්මක වෙලා නැහැ. මේ විදිහට ගත්ත එක ක්‍රියාමාර්ගයක් තමයි රාජගිරිය මංසන්ධියේ විදුලි ආලෝක සංඥා එලි සවිකිරීම. වසර කිහිපයක ගවේශණයකින් පස්සෙ හදපු මේ පද්ධතිය මුලදී හොදට ක්‍රියාත්මක වුනත් කාලයත් සමග ඒකත් සාමාන්‍යය දෙයක් විදිහටම දැන් වැඩිකාලයක් අක්‍රිය වෙලා තියනවා.

මේකට ගත්ත තව පියවරක් තමයි රාජගිරියෙ කෝට්ටෙ පාර පුළුල් කිරිම. අවුරුදු ගානක් තිස්සෙ මිනුම් කරල ලකුණු කරල වන්දි දීලත් තියෙන්නෙ. ඒත් තාම පාර හැදෙන පාටක් නෑ. ඒකට හේතුව මොකක්ද කියල මම හරියටම දන්නෙ නෑ. නමුත් කෝට්ටෙ පාර හැදිල ආයුර්වේද මංසන්ධිය වෙනකං පාර පලල් වුනොත් රාජගිරිය හන්දියෙ ට්‍රැෆික් එක අඩුවෙයි.

පහුගිය කාලෙ පත්තරවල මේ තදබදයට විසදුම් සාකච්ඡා කලා. ඒවායේ ප්‍රායෝගික වගේම ලේසියෙන් කරන්න පුළුවන් විසදුම් රාශියක් තිබ්බා. මේ අඩුම තරමින් ඒ විසදුම් ක්‍රියාත්මක කිරිමටවත් කාලයයි.




1 comment:

manjula said...

Yes true, There is a huge traffic at Rajagiriya junction. As Achira said the traffic light system implemented recently there is not working for most of the time - And have you ever noticed that, by any chance if it works the traffic problem is much critical. Im not regularly using that junction - but that is what i have noticed. I might be wrong because the traffic light system might be highly tested and might have gone through so many procedures to provide a better service before implementing it. !

ශිෂ්‍යත්වෙත් එක්ක අතුරු කතා

පහේ ශිෂ්‍යත්වෙ ඉවරයි. පළවෙනියො දෙවනියො තේරිලත් ඉවරයි. පාස් වෙච්ච දරුවො සතුටු වෙලත් ඉවරයි. ෆේල් වෙච්ච දරුවො දෙමව්පියන්ගෙන් මෝඩයා පොල් බ...