Tuesday, March 02, 2010

ප්‍රේමය හැදින්නෙමි


ජීවිතය කොතරම් වෙනස්ද? එය විටක සුන්දරය. තවත් විටෙක රුදුරුය. ප්‍රේමය නැමති සද ජීවිතයට ආලෝකයක් සපයයි. මේ දවස් වල වෙන වෙනස් සංවේදි අත්දැකීම් වලට මුහුණ දීමට සිදුවීම නිසා දිනපොතේ ඒවා එකින් එකට සටහන් කිරීමට සිතුවෙමි.

ඇය මා දන්නා හොදම මිතුරියන්ගෙන් කෙනෙකි. අපි ඇයට නිලුකා යයි කියමු. කොළඹින් ඈත පෙදෙසක හැදී වැඩුන ඇය ප්‍රේමයට අත්පොත් තැබුවේ සරසවි බිමට පැමිනි අළුතමය. තමාට වඩා වසර කිහිපයක් වැඩිමහළු වූ පෙම්වතාව ඇය හදුන්වා දෙන ලද්දේ අයියා ලෙසිනි.

කාළය මෙන්ම ප්‍රේමයද ගලා ගියේ‍ය. අයියා ප්‍රසිද්ධ ආයතනයක උසස් රැකියාවක් ආරම්භ කලේය. නව නිවසක් සාදන ලදී. මේ සියල්ලටම නිලූකාගේ උදව්,ශ්‍රමය සහ මුදල් දායකත්වය ලැබුනි. නමුත් අනාගතය ගැන ඔවුන් සිහින දැක්කේ නැත.

අට වසරක් ගෙවී ගියේය. නිවෙස්වල මුල සිටම තිබු කුල මල බේදය ඔඩු දුවා තිබුනි. නිවසේ විරෝධතාවය මත අට වසරක ප්‍රේමය ගලක හැපුණු වීදුරු පාත්තරයක් ලෙස බිදී ගියේයෙ. ඔවුනතර දුරකතන සංවාද පමණක් ඉතිරි විය.

ප්‍රේමය බිදී තෙමසක් පමණ ගතවූ තැන අයියා මනාලියක් බැලීමය ගියේය. අයියා එයට කැමති වී මංගල්‍යයට දින නියම කරගෙන නිලූකාට දුරකතන ඇමතුමකින් එය දැන්වු‍වේය.

"ආ ඇත්තද? ගෑනු ලමයා හොදද? හරි හොදයි. ගුඩ් ලක්"

අයියාගේ ඇමතුමට ලැබුණු පිළිතුර සරලය. සෘජුය. කාලය ගෙවීගියේය. අයියාගේ මංගල දිනය එලැඹිනි. එදිනට පෙර දිනද අයියා නිලූකාට කතාකලේය. අයියා ඉක්මන් වීමේ වරද තේරුම්ගෙන තිබුනි. නමුත් නිලූකා පැවසුවේ දැන් පසුතැවීමට පමා වැඩි බව පමණි.

අයියාගේ මංගල දිනයේ නිලූකා මහත්වූ අසහනයකින් පෙලෙන්නට විය. ඒ මංගල ඡායාරූපයක් දැක බලාගන්නට‍ය. එහෙත් කිසිවෙකු ඇයට උදව්කලේ නැත. නිලූකා අය්යාට සුභපතා කෙටි පණිවුඩයක් යවන ලදී. හවස එයට ස්තුතිකොට අයියාගෙන් පිළිතුරු ලැබිනි. දවස අවසානයේ මහත් වෙහෙසක් දරා ඇය ස්තුති පත්‍රයක් (Thanking Card) එකක් සොයාගත්තාය.

"අයියට මට වඩා කොච්චර ලස්සන කෙල්ලෙක්ද හම්බවෙලා තියෙන්නෙ. ලස්සන සුදු මහත ම්.... අයියටම ගැලපෙනවා"


ඒ නිලූකාගේ අවංක අදහස්ය. තැන්ක් යු කාඩ් එක අතින් පිරිමදිමින් සිටින විට නෙතගින් කදුලක් වැටෙනු දුටිම්.

"අඩන්න එපා නිලුකා. ජීවිතේ හැටි ඔහොම තමයි. කවදාවත් අපිට ඕනෙ හැටි‍යට වෙන්නෙ නෑ"
ඒ මගේ හඩයි.

"නෑ නෑ දුකක් නෑග අයියා සතුටින් ඉන්නවනම් මට ඇති. එයාට ආයි මට කෝල් කරන්න එපා කියල මම පොරොන්දු කරගත්තා."

ඒ ඇයය.අට වසරක ප්‍රේමයක් බිදී ගොස් අපේක්ෂා භංගත්වයට පත්වුවද ඇය පැරණි පෙම්වතාට සුභ පතන්නීය. ඔහු කුමක් කළද කුමක් කීවද ඇය ඔහු කෙරෙහි අනුකම්පාව දක්වයි.

ඒ නියම ප්‍රේමයයැයි මම සිතමි. ඈත අතීතයේ සිටම ප්‍රේමයට සීමා මායිම් නැත. තම පෙම්වතිය වෙනත් කෙනෙකු හා සරණ බැදුනු විට

ඔබ දිවි අරණේ - රුවන් විජිතයේ
මැණික් පහන් වැට - දැල්වේවා

යයි ප්‍රාර්ථනා කලා මිස වෛර කලේ නැත.

නිලුකා... ඔබේ සිනාවෙන්, ඔබේ කතාවෙන්, ඔබේ ක්‍රියාවෙන් මම නියම ප්‍රේමය හැදින්නෙමි.


ඡායාරූපය ලබාගත්තේ මෙම යොමුවෙනි.





5 comments:

Anonymous said...

ඒ කතාවත් ආමාශයටම වැදුනා..
ඔන්න ඔහොම හිතන ගෑනු හරිම අඩුයි..

හෙළයා said...

එහෙම ගෑණූ ළමයෙක් හොයාගන්න තමයි අමාරැ...

ජීවිතය සොබාදහම මනුස්සකම ආදරය said...

ඔය වගේ මිනිස්සු ඉන්නවා ප්‍රේමයෙන් පැරදුනත් ඒකට වෛර කරන්නේ නැති අය... අපිට හදවතින්ම පුලුවන්නම් අනෙකාට යහපතක් ප්‍රාර්ථනා කරන්න ඒක තමයි උතුම්ම දෙය

මල්$han said...

මගේ අදහසත් ඕකමයි.....

manjula said...

She is a great girl. But I dnt know how she has made her mind.
Great!

ශිෂ්‍යත්වෙත් එක්ක අතුරු කතා

පහේ ශිෂ්‍යත්වෙ ඉවරයි. පළවෙනියො දෙවනියො තේරිලත් ඉවරයි. පාස් වෙච්ච දරුවො සතුටු වෙලත් ඉවරයි. ෆේල් වෙච්ච දරුවො දෙමව්පියන්ගෙන් මෝඩයා පොල් බ...