අචිර‍‍ගේ දිනසටහන්

Saturday, July 25, 2009

කොළඹ මහජන පුස්තකාලයේ පොත් ප්‍රදර්ශනය

වසරේ කියවීමේ මාසය සැප්තැම්බර් වලට යෙදී තිබුනත් මේ දවස් වල කොළඹ මහජන පුස්තකාලයේ තවත් සාර්ථක පොත් ප්‍රදර්ශනයක් පැවැත්වෙනවා. ඒ මහජන පුස්තකාලයට වසර 125 ක් පිරීම නිමිත්තෙන්. සාමාන්‍යයයෙන් මහජන පුස්තකාලය සැලකෙන්නෙ නිල නොළත් සරසවියක් හැටියටයි. ඒ තරම් ඉගන ගන්න අයට ඒක වටිනවා. සාහිත්‍යය මාසය පැත්තකින් තියල මේ පවත්වන ප්‍රදර්ශනයට සෑහෙන්න තරම් පිරිසක් පැමිනෙනවා. කියවන්න වහ වැටුන අයට ආර්ථික ප්‍රශ්න, උද්ධමනය වගේ දේවල් අදාල නෑ. ඇවිත් ඉන්න සෙනග දිහා බැලුවහම ඒ බව පේනවා. පොත් ප්‍රකාශකයෝ විස්සක් තිහක් විතර තමන්ගෙ ප්‍රදර්ශන කුටි පවත්වාගෙන යනවා. ඊටත් අමතරව වන සංරක්ෂණ දෙපාර්තමේන්තුවෙ කුටියකුත් පුස්තකාල ඉතිහාසය එවායින් සිද්ධවෙන සේවාවන් විස්තරකරන කුටිත් එහි අඩංගුයි. උසස් අධ්‍යාපන වරම් ගැන පැවසෙන කුටි කිහිපයකුත් මේ ප්‍රදර්ශනයේ තියන‍වා. තෝරා බලන්න තරමි පොත් කන්දරාවක් ‍තියන මේ පොත් ප්‍රදර්ශනයෙ 10% සිට 50% දක්වා වට්ටමුත් ලබාදෙනවා. මේකෙ තවත් විශේෂයක් තියනවා. ඒ පරණ පොත්පත් අඩුම මිළට (සමහර ඒවා බාග මිළට - Half Price සමහර ඒවා පිටු ගානට) ගන්න පුළුවන්. සැප්තැම්බර් මාසෙ තියන ජාත්‍යන්තර පොත් ප්‍රදර්ශනයෙත් මේ දේ සිද්ධ වෙනවා. කොහොම වුනත් කියවීමේ පිපාසෙන් පෙලෙන්නන්ට තමන්ගෙ අතේ මිටේ තියන හැටියට ඒ ආසාව ඉෂ්ඨ කරගන්න ඒක ලොකු අවස්ථාවක්. කාලයක් තිබ්බා ලංකාවෙ අය පොත පතින් බැහැර වෙච්ච කාළයක්. නමුත් දැන් එහෙම නෑ කියල හිතෙන්නෙ මේ වගේ පොත් ප්‍රදර්ශනයක් දැක්කහමයි. මගේ මතකේ හැටියට මේ මාසෙ 31 වෙනකන් මේ ප්‍රදර්ශනේ පැවැත්වෙනවා. ඉඩක් ලැබුනොත්, අතේ මිටේ කීයක් හරි තිබ්බෙ නැතත් ගොඩ වෙන්න අමතක කරන්න එපා.

Labels: ,

0 Comments:

Post a Comment

Links to this post:

Create a Link

<< Home